ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

BREAKING NEWS: សម្តេចតេជោ ប្រកាសធ្វើផ្ទះថ្មី ផ្តត់ផ្គង់ការសិក្សា និងស្នាក់នៅឱ្យយុវជន «ផានិត» ជាប់និទ្ទេស A ដែលរស់នៅជាមួយឪពុកម្តាយមានពិការភាព

  • ចុះផ្សាយថ្ងៃទី២៩ ខែវិច្ឆិកា ឆ្នាំ២០២៣ ម៉ោង ១៧:០៣ នាទី ដោយ EAC News
  • 2531
  Aa |   aA

ភ្នំពេញ៖ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា សម្តេចតេជោ ហ៊ុន សែន បានផ្ញើសារជាសំឡេងតាមតេឡេក្រាម នារសៀលថ្ងៃទី២៩ ខែវិច្ឆិកា ដោយប្រកាសថាសម្តេចនឹងជួយទំនុកបម្រុងលើការសិក្សា និងការស្នាក់នៅឱ្យយុវជនជាប់និទ្ទេស A អន ផានិត ដែលរស់នៅជាមួយឪពុកម្តាយមានពិការភាពក្នុងស្ថានភាពក្រខ្សត់។

«ត្រូវយកក្មេងនេះមកថែទាំ ហើយឱ្យហៀងជួយគ្រប់គ្រងឱ្យនៅភ្នំពេញសិន ហើយចាំរៀបចំថ្លៃសាលា ហើយក្នុងខែមួយត្រូវឱ្យប៉ុន្មានដាក់ក្នុងខោប៉ៅ ដើម្បីរៀន ថ្លៃស៊ីចុក គឺនៅលើយើងរៀបចំ»។ នេះជាសារសំឡេងដែលសម្តេចតេជោបញ្ជាទៅលោក សេង ទៀង ដែលជាជំនួយការផ្ទាល់សម្តេចតេជោឱ្យជួយរៀបចំចាត់ចែងលើកិច្ចការងារនេះ។

សម្តេចតេជោ ក៏បានប្រកាសថា សម្តេចនឹងផ្តល់ថវិកាសម្រាប់ឱ្យក្រុមគ្រួសារ ផានិត ដើម្បីយកទៅសងបំណុលគេ។ ក្រៅពីនោះសម្តេចក៏នឹងឧបត្ថម្ភដល់ក្រុមគ្រួសារផានិត ចំនួន ១លានរៀលក្នុងមួយខែ។ ទន្ទឹមនេះសម្តេចក៏នឹងធ្វើផ្ទះថ្មីតូចល្មមសម្រាប់ក្រុមគ្រួសារផានិតផងដែរ។

ជាមួយគ្នានេះ សម្តេចក៏បានប្រកាសផ្តល់ម៉ូតូមួយគ្រឿងសម្រាប់ជាមធ្យោបាយឱ្យទៅផានិតទៅសិក្សានៅសាកលវិទ្យាល័យនៅរាជធានីភ្នំពេញផងដែរ។

គូសបញ្ជាក់ថា នៅថ្ងៃនេះផងដែរ យុវជន «អន ផានិត» រស់នៅជាមួយឪពុកម្តាយមានពិការភាពក្នុងភូមិព្រៃធំ ឃុំអង្គភ្នំតូច ស្រុកអង្គរជ័យ ខេត្តកំពត ដែលទទួលបាននិទ្ទេស A ក្នុងការប្រឡងបាក់ឌុបឆ្នាំ២០២៣ ក៏បានទទួលអំណោយម៉ូតូមួយគ្រឿង ថវិកា ២លានរៀន និងគ្រឿងឧបភោគបរិភោគមួយចំនួនទៀត អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងភរិយា៕


ព័ត៌មានជាច្រើនទៀតសម្រាប់អ្នក